நீங்கள் தேடியது "ஜெய்ராம் ரமேஷ்"

புதுடெல்லி:

இந்தியாவின் தேசிய பாதுகாப்பு ஆலோசகர் அஜித் தோவலின் மகன் விவேக் தோவல், கேமன் தீவுகளில் நிறுவனம் நடத்தி வருவதாகவும், பணமதிப்பு நீக்க நடவடிக்கையின்போது தொடங்கப்பட்ட இந்த நிறுவனத்தின் முதலீடுகளில் சந்தேகம் இருப்பதாகவும், ‘தி கேரவன்’ இதழில் கடந்த ஜனவரி மாதம் கட்டுரை வெளியானது. இதனை சுட்டிக்காட்டி, காங்கிரஸ் கட்சியின் மூத்த தலைவர் ஜெய்ராம் ரமேஷ் செய்தியாளர் சந்திப்பை நடத்தினார்.

இவ்வழக்கு கடந்த மாதம் 25-ம் தேதி பெருநகர நீதிமன்ற கூடுதல் தலைமை நீதிபதி சமர் விஷால் முன்பு விசாரணைக்கு வந்தது.  கவுசல் சரோப், பரேஷ் நாத் ஆகியோர் ஆஜராகினர். ஜெய்ராம் ரமேஷ் ஆஜராகவில்லை. இதையடுத்து ஆஜரானவர்களுக்கு ஜாமீன் வழங்கப்பட்டது. ஜெய்ராம் ரமேஷ் மே 9-ம் தேதி நேரில் ஆஜராகும்படி உத்தரவிட்டு வழக்கு ஒத்திவைக்கப்பட்டது.

அதன்படி இவ்வழக்கு இன்று மீண்டும் விசாரணைக்கு வந்தது. அப்போது ஜெய்ராம் ரமேஷ், நீதிமன்றத்தில் ஆஜரானார். அவரது ஜாமீன் மனுவை பரிசீலித்த நீதிபதி சமர் விஷால், அவருக்கு ஜாமீன் வழங்கி உத்தரவிட்டார். 20 ஆயிரம் ரூபாய் பிணைத் தொகை செலுத்தி ஜாமீன் பெற்றுக்கொள்ளும்படி தெரிவித்தார்.

இவ்வழக்கின் அடுத்தகட்ட விசாரணை மே 27-ம் தேதிக்கு ஒத்திவைக்கப்பட்டுள்ளது. 27-ம் தேதி சாட்சிகளிடம் விசாரணை நடத்தி வாக்குமூலம் பதிவு செய்யப்படும்.  #JairamRamesh #AjitDoval #VivekDoval

புதுடெல்லி:

நரேந்திர மோடி பிரதமராக பதவி ஏற்றதும் தூய்மை இந்தியா திட்டத்தை முதன்மை திட்டமாக அறிவித்தார். இந்த திட்டம் அறிவிக்கப்பட்டு 4 ஆண்டுகள் ஆன நிலையில் திட்டம் வெற்றி பெற்று இருப்பதாக மத்திய அரசு தரப்பில் அறிவிக்கப்பட்டது.

ஆனால், காங்கிரஸ் மூத்த தலைவரும், முன்னாள் மத்திய குடிநீர் மற்றும் துப்புரவு பணிகள்துறை மந்திரியுமான ஜெய்ராம் ரமேஷ் கருத்து வெளியிட்டுள்ளார். அவர் கூறியதாவது:-

பிரதமரின் தூய்மை இந்தியா திட்டம் வெற்றி அடையவில்லை. அது பெரும் தோல்வியை சந்தித்து இருக்கிறது.

ஆனால், வெற்றி பெற்று விட்டது போல் பொய் பிரசாரத்தை கட்டவிழ்த்து விட்டுள்ளனர். உண்மையான நிலவரத்தை வெளியிடாமல் திரும்பத் திரும்ப பொய் தகவல்களை வெளியிடுகிறார்கள்.

கழிவறை கட்டுமானம் தொடர்பாக தவறான தகவல் பரப்பப்படுகிறது. மத்திய தணிக்கை துறையே இந்த திட்டம் பற்றி பல்வேறு குறைகளை கூறி இருக்கிறது.

வீடுகளுக்கு தண்ணீர் இணைப்பு கொடுக்காத நிலையில் கழிவறைகளை கட்டி கொடுத்திருக்கிறார்கள். இதனால் எந்த பயனும் இல்லை என்று தணிக்கை துறை கூறி இருக்கிறது.

இந்த திட்டத்துக்கு நிதி உதவி செய்துள்ள உலக வங்கி திட்டத்தில் திருப்தி இல்லை என்று கூறி இருக்கிறது.

மேலும் இதற்காக தரவேண்டிய தவணை தொகையை திட்டம் சரி இல்லை என்ற காரணத்தினால் நிறுத்தி வைத்துள்ளது.


கழிவறை கட்டி கொடுத்துவிட்டு தண்ணீர் இல்லை என்றால் என்ன பயன்? அதைகூட செய்யாமல் பெரிய அளவில் விளம்பரப்படுத்துவதிலேயே குறியாக இருக்கிறார்கள்.

மோடி அரசு பதவி ஏற்ற பிறகு மக்களுக்கு சுகாதாரமான குடிநீர் வழங்குவதில் எந்த அக்கறையும் காட்டவில்லை. அந்த திட்டங்கள் முடக்கி வைக்கப்பட்டுள்ளன.

பல மாநிலங்களை திறந்தவெளி கழிப்பிடம் இல்லாத பகுதியாக அறிவிக்க செய்துள்ளனர். ஆனால், அங்கு பழைய நிலைமையே நிலவுகிறது.

குஜராத்தில் கூட இந்த அறிவிப்பு வெளியிடப்பட்டு இருக்கிறது. அங்கும் அதே நிலைதான் நிலவுகிறது.

இது போன்ற அறிவிப்புகள் மூலம் கலப்பட மற்ற பொய்களை பரப்புகிறார்கள். சாக்கடை கழிவுகளை மனிதனே நேரடியாக அகற்றும் முறை தொடர்ந்து நீடிக்கிறது. இந்த பணியில் ஈடுபடுபவர்களில் 5 நாட்களுக்கு ஒரு ஊழியர் பலியாகிறார்.

2017-ம் ஆண்டு இத்தகைய ஊழியர்கள் 13 ஆயிரம் பேர் இறப்பதாக கூறப்பட்டது. ஆனால், 2018 கணக்கெடுப்பில் 53 ஆயிரத்து 236 பேர் இறப்பதாக கூறப்பட்டுள்ளது.

தூய்மை இந்தியா திட் டத்தை பொறுத்த வரை மோடி அரசு திட்டமிட்டு மக்களை ஏமாற்றுகிறது. கடந்த கால அரசு செய்த சாதனைகளையும் தங்கள் சாதனையாக காட்டிக் கொள்ள முயற்சிக்கிறார்கள்.

இவ்வாறு ஜெய்ராம் ரமேஷ் கூறினார். #SwachhBharat #PMModi #JairamRamesh

புதுடெல்லி:

தூத்துக்குடியில் உள்ள ஸ்டெர்லைட் ஆலையை மூடக்கோரி மக்கள் போராடி வருகின்றனர். 100-வது நாள் போராட்டத்தின்போது நடந்த வன்முறையில் 13 பேர் போலீஸ் துப்பாக்கி சூட்டில் பலியாயினர்.

இந்த நிலையில் ஐக்கிய முற்போக்கு கூட்டணி ஆட்சியின்போது அப்போதைய சுற்றுச் சூழல் மந்திரி ஜெய்ராம் ரமேஷ், ஸ்டெர்லைட் ஆலைக்கு சுற்றுச்சூழல் அனுமதி வழங்கியதாக சில ஊடகங்களில் செய்திகள் வெளியாயின.

இதை மறுத்து காங்கிரஸ் தலைவர்களில் ஒருவரான ஜெய்ராம் ரமேஷ் நேற்று ஒரு அறிக்கை வெளியிட்டார். அதில் அவர் கூறி இருப்பதாவது:-

இதில் எந்த உண்மையும் இல்லை என்பதை அது தொடர்பான தகவல்களே கூறும். சுற்றுச்சூழல் மற்றும் வன இலாகா மந்திரியாக நான் 2009-ம் ஆண்டு மே மாதம் 31-ந்தேதி நியமிக்கப்பட்டேன். ஆனால் ஸ்டெர்லைட் ஆலை 3 சுற்று அனுமதிகளை 2007 மார்ச் 30, 2007 ஆகஸ்டு 9 மற்றும் 2009 ஜனவரி 1 ஆகிய நாட்களில் பெற்றுள்ளது. எனவே இந்த அனுமதிகள் எல்லாமே நான் சுற்றுச்சூழல் மந்திரியாக பதவி ஏற்பதற்கு முன்பாக வழங்கப்பட்டவை.

மேலும் சுற்றுச்சூழல் அனுமதி வழங்குவது தொடர்பாக நாடாளுமன்ற மக்களவையில் 2010 மார்ச் 10 மற்றும் 2010 ஆகஸ்டு 11 ஆகிய நாட்களில் உறுப்பினர்கள் எழுப்பிய கேள்விகளுக்கு பதில் அளித்து இருக்கிறேன். அமைச்சகத்தில் எனக்கு அளிக்கப்பட்ட அலுவல்பூர்வ தகவல்களின் அடிப்படையில் இதை தெரிவித்து இருக்கிறேன். எந்த நேரத்திலும் நான் நாடாளுமன்றத்தை தவறாக நடத்தியதில்லை.

ஆனாலும் ஸ்டெர்லைட் ஆலைக்கு நான் சுற்றுச் சூழல் அனுமதி வழங்கியதாக தொடர்ந்து தவறான செய்திகள் வெளிவருவதால் பதில் சொல்லும் நிலைக்கு தள்ளப்பட்டு இருப்பதால் இந்த அறிக்கையை வெளியிடுகிறேன்.

இவ்வாறு அவர் கூறியுள்ளார்.  #SterlitePlant #JairamRamesh #GrantingClearance